മെല്ബേണ് സ്റ്റാര്സിന്റെ 163/4 എന്ന സ്കോര് പിന്തുടര്ന്ന ഹോബാര്ട്ട് ഹറികെയിന്സിനെ തകര്ത്തെറിഞ്ഞ് ഹാരിസ് റൗഫ്. താരത്തിന്റെ അഞ്ച് വിക്കറ്റ് പ്രകടനത്തില് ഹോബാര്ട്ട് ആടിയുലഞ്ഞ് 111 റണ്സിന് 16 ഓവറില് ഓള്ഔട്ട് ആയപ്പോള് 52 റണ്സിന്റെ തകര്പ്പന് ജയമാണ് മെല്ബേണ് സ്റ്റാര്സ് നേടിയത്.
54 പന്തില് 81 റണ്സ് നേടിയ മാര്ക്കസ് സ്റ്റോയിനിസിന്റെയും 40 റണ്സ് നേടിയ നിക്ക് മാഡിന്സണിന്റെയും മികവില് സ്റ്റാര്സ് 163 റണ്സിലേക്ക് നീങ്ങുകയായിരുന്നു. ഹോബാര്ട്ടിന് വേണ്ടി റിലീ മെറെഡിത്ത് മൂന്ന് വിക്കറ്റ് നേടി.
ഹാരിസ് റൗഫിനൊപ്പം 2 വിക്കറ്റുമായി ആഡം സംപയും ഗ്ലെന് മാക്സ്വെല്ലും സ്റ്റാര്സ് ബൗളര്മാരില് തിളങ്ങി. 18 പന്തില് പുറത്താകാതെ 32 റണ്സ് നേടിയ ക്ലൈവ് റോസ് ആണ് ഹോബാര്ട്ടിന്റെ ടോപ് സ്കോറര്. കാലെബ് ജൂവല് 25 റണ്സും നേടി.