കേരള പ്രീമിയർ ലീഗ്; ഗോൾഡൻ ത്രഡ്സ് സെമി ഫൈനലിൽ, ഗ്രൂപ്പ് ബിയിൽ ഒന്നാം സ്ഥാനം

കേരള പ്രീമിയർ ലീഗിൽ ഗോൾഡൻ ത്രഡ്സ് സെമി ഫൈനൽ ഉറപ്പിച്ചു. ഇന്ന് എറണാകുളം മഹാരാജാസ് ഗ്രൗണ്ടിൽ നടന്ന മത്സരത്തിൽ ട്രാവങ്കൂർ റോയൽസിനെ നേരിട്ട ഗോൾഡൻ ത്രഡ്സ് രണ്ടിനെതിരെ അഞ്ചു ഗോളുകൾക്കാണ് വിജയിച്ചത്. ഇസഹാക് നുഹു ഇന്ന് ഹാട്രിക്ക് ഗോളുമായി കളിയിലെ മാൻ ഓഫ് ദി മാച്ച് ആയി.
Img 20220401 Wa0059

10 മത്സരങ്ങളിൽ 24 പോയിന്റുമായി ഗ്രൂപ്പ് ബിയിൽ ഒന്നാം സ്ഥാനത്താണ് ഗോൾഡൻ ത്രഡ്സ് ഈ വിജയത്തോടെ ഫിനിഷ് ചെയ്തത്. ഇന്ന് ഗോൾഡൻ ത്രഡ്സിന് വിജയം നിർബന്ധമായിരുന്നു. 23 പോയിന്റുമായി കെ എസ് ഇ ബി രണ്ടാം സ്ഥാനത്ത് ഫിനിഷ് ചെയ്തു. കെ എസ് ഇ ബിയും ഗോൾഡൻ ത്രഡ്സും ഗ്രൂപ്പ് ബിയിൽ നിന്ന് സെമിയിലേക്ക് മുന്നേറി. കേരള യുണൈറ്റഡ് അവസാനം മൂന്നാം സ്ഥാനത്ത് ആയതിനാൽ സെമി യോഗ്യത നേടിയില്ല.
Img 20220401 Wa0061