അവസാനം ഗോകുലം എഫ്വ്സി വിജയ വഴിയിലേക്ക് തിരിച്ചെത്തി. ഇന്ന് കോയമ്പത്തൂരിൽ നടന്ന മത്സരത്തിൽ ചെന്നൈ സിറ്റിയെ തോൽപ്പിച്ചാണ് സീസണിലെ രണ്ടാം ജയം ഗോകുലം സ്വന്തമാക്കിയത്. എതിരില്ലാത്ത ഒരു ഗോളിനായിരുന്നു ഗോകുലത്തിന്റെ ജയം.
കഴിഞ്ഞ ആഴ്ച ചർച്ചിലിനോട് അപ്രതീക്ഷിത തോൽവി നേരിട്ട പലമാറ്റങ്ങളുമായാണ് ഇന്ന് ഗോകുലം ഇറങ്ങിയത്. കഴിഞ്ഞ മത്സരത്തിൽ വഴങ്ങേണ്ടി വന്ന ഗോളുകളിൽ നിന്ന് പാഠം പഠിച്ച ഗോകുലം ഇന്ന് മെച്ചപ്പെട്ട ഡിഫൻസീവ് മുഖത്തോടെയാണ് കളത്തിൽ ഇറങ്ങിയത്. നന്നായി ഡിഫൻഡ് ചെയ്ത ഗോകുലം കിട്ടിയ അവസരം മുതലാക്കി ഗോൾ കണ്ടെത്തുകയും ചെയ്തു.
61ആം മിനുട്ടിൽ കിവി ആണ് ഗോകുലത്തിന്റെ ഗോൾ നേടിയത്. സന്ധു സിംഗിന്റെ ഗോൾ ശ്രമം കിവിയിൽ തട്ടിൽ ഗോൾ വലയിൽ പഠിക്കുക യായിരുന്നു. ജയത്തോടെ 7 പോയന്റായി ഗോകുലത്തിന്. എങ്കിലും ഇപ്പോഴും ടേബിളിന്റെ അവസാന സ്ഥാനത്താണ് ഗോകുലം. 7 പോയന്റ് തന്നെയുള്ള ചർച്ചിലാണ് 9ആം സ്ഥാനത്ത്.
കൂടുതൽ കായിക വാർത്തകൾക്ക് : www.facebook.com/FanportOfficial
