ഐ എസ് എല്ലിൽ ആദ്യമായി എഫ് സി ഗോവയെ പരാജയപ്പെടുത്താമെന്ന ഒഡീഷൻ ആഗ്രഹത്തിൽ 95ആം മിനുട്ടിൽ തിരിച്ചടി. 1-0ന് മുന്നിലായിരുന്ന ഒഡീഷ 95ആം മിനുട്ടിൽ ജേസുരാജിന്റെ ഗോളിലാണ് സമനില വഴങ്ങിയത്.
ഇതിനു മുമ്പ് അഞ്ച് തവണ ഇരു ടീമുകളും നേർക്കുനേർ വന്നപ്പോഴും ഒഡീഷക്ക് വിജയിക്കാൻ ആയിരുന്നില്ല. ഇന്ന് രണ്ടാം പകുതിയിൽ 59ആം മിനുട്ടിൽ കിട്ടിയ പെനാൾട്ടി ആണ് ഒഡീഷയ്ക്ക് രക്ഷ ആയത്. ഹാവി ഗാർസിയയെ നൊഗുവേര വീഴ്ത്തിയതിന് കിട്ടിയ പെനാൾട്ടി ജോണതാൻ ലക്ഷ്യത്തിൽ എത്തിച്ചു. 95ആം മിനുട്ടിൽ ആണ് ജേസുരാജിന്റെ സമനില ഗോൾ വന്നത്.
ഈ സമനിലയോടെ ഒഡീഷ 18 പോയിന്റുമായി ഏഴാം സ്ഥാനത്ത് എത്തി. എഫ് സി ഗോവ 15 പോയിന്റുമായി 9ആം സ്ഥാനത്താണ് ഉള്ളത്.
