ടോക്കിയോ ഒളിമ്പിക്സിന് യോഗ്യത നേടി ഇന്ത്യയുടെ ഫെന്സിംഗ് ചരിത്രത്തിലെ തന്നെ ഏറ്റവും മികച്ച നേട്ടം കരസ്ഥമാക്കി ഇന്ത്യയുടെ മുന് നിര ഫെന്സിംഗ് താരം ഭവാനി ദേവി. 2020ല് നടക്കാനിരുന്ന ടോക്കിയോ ഒളിമ്പിക്സ് കൊറോണ കാരണം മാറ്റി വയ്ക്കുകയായിരുന്നു. നിലവില് 2021 ജൂലൈ 23ന് ഒളിമ്പിക്സ് ആരംഭിയ്ക്കുമെന്നാണ് അറിയിച്ചിരിക്കുന്നത്.
ഓഗസ്റ്റ് എട്ടിന് ഒളിമ്പിക്സ് അവസാനിക്കും. വ്യക്തിഗത സാബ്രേ ഇനത്തിലാണ് താരം യോഗ്യത നേടിയത്. ഏപ്രില് അഞ്ചിന് റാങ്കിംഗ് ഔദ്യോഗികമായി പ്രസിദ്ധീകരിക്കുമ്പോള് താരത്തിന് ഔദ്യോഗിക എന്ട്രി ഒളിമ്പിക്സിന് ലഭിയ്ക്കും.
