ഓസ്ട്രേലിയയ്ക്കെതിരെ ഓവല് ടെസ്റ്റിന്റെ മൂന്നാം ദിവസം ഇംഗ്ലണ്ട് അതിശക്തമായ നിലയിലേക്ക്. തങ്ങളുടെ രണ്ടാം ഇന്നിംഗ്സില് 56 ഓവറുകള് പിന്നിടുമ്പോള് ഇംഗ്ലണ്ട് 177/2 എന്ന നിലയിലാണ് സ്ഥിതി ചെയ്യുന്നത്. ജോ ഡെന്ലി 70 റണ്സും ബെന് സ്റ്റോക്സ് 53 റണ്സുമായാണ് ക്രീസില് നില്ക്കുന്നത്. 246 റണ്സിന്റെ ലീഡാണ് മത്സരത്തില് ഇംഗ്ലണ്ടിനിപ്പോളുള്ളത്.
റോറി ബേണ്സ്(20), ജോ റൂട്ട്(21) എന്നിവരെ നഷ്ടമായപ്പോള് 90 റണ്സ് കൂട്ടുകെട്ടാണ് മൂന്നാം വിക്കറ്റില് സ്റ്റോക്സ്-ഡെന്ലി കൂട്ടുകെട്ട് നേടിയത്. നഥാന് ലയണിനാണ് ഇരുവിക്കറ്റും ലഭിച്ചത്.