നാഷൺസ് ലീഗിൽ ഇംഗ്ലണ്ടിന് ഞെട്ടിക്കുന്ന പരാജയം. അവർ ഇന്ന് ലോക റാങ്കിംഗിൽ നാൽപ്പതാം സ്ഥാനത്തുള്ള ഹംഗറിയോട് പരാജയപ്പെട്ടു. പുസ്ലാർ അരീന പാർക്കിൽ നടന്ന മത്സരത്തിൽ ഏക ഗോളിനാണ് ഹംഗറി വിജയിച്ചത്. രണ്ടാം പകുതിയിൽ ആണ് ഹംഗറി വിജയ ഗോൾ നേടിയത്. സബ്ബായി എത്തിയ റീസ് ജെയിംസ് സമ്മാനിച്ച പെനാൾട്ടി ലക്ഷ്യത്തിൽ എത്തിക്കാൻ സൊബോസ്ലയി അധികം പ്രയാസപ്പെട്ടില്ല.
ഹാരി കെയ്ൻ നയിച്ച മുന്നേറ്റ നിരയ്ക്ക് ഈ ഗോളിന് മറുപടി നൽകാൻ ആയില്ല. ഇന്ന് ഇംഗ്ലണ്ടിനായി ജെറാഡ് ബോവനും ജസ്റ്റിൻ ജെയിംസും അരങ്ങേറ്റം നടത്തിയിരുന്നു. ഇനി ചൊവ്വാഴ്ച ജർമ്മനിയെ ആണ് ഇംഗ്ലണ്ട് രണ്ടാം ഗ്രൂപ്പ് മത്സരത്തിൽ നേരിടുക.