വരുന്ന ടി20 ലോകകപ്പില് കളിക്കണമെന്ന് തനിക്ക് ആഗ്രഹമുണ്ടെന്ന് പറഞ്ഞ് എ ബി ഡി വില്ലിയേഴ്സ്. താരം അന്താരാഷ്ട്ര ക്രിക്കറ്റില് നിന്ന് വിരമിച്ചുവെങ്കിലും ഐപിഎലില് മികച്ച ഫോമിലാണ് കളിക്കുന്നത്. കഴിഞ്ഞ ദിവസം കൊല്ക്കത്ത നൈറ്റ് റൈഡേഴ്സിനെതിരെ 34 പന്തില് 76 നേടി പുറത്താകാതെ നിന്ന താരം താന് ഇപ്പോളത്തെ ദേശീയ മുഖ്യ കോച്ച് മാര്ക്ക് ബൗച്ചറുമായി തന്റെ മടങ്ങി വരവിന്റെ ചര്ച്ച നടത്തുമെന്ന് പറഞ്ഞു.
ഈ അടുത്ത് ഇതുവരെ ആ ചര്ച്ച നടന്നിട്ടില്ലെങ്കിലും ഐപിഎലിനിടെ അതുണ്ടാവുമെന്ന് എബിഡി പറഞ്ഞു. തന്നോട് ബൗച്ചര് കഴിഞ്ഞ വര്ഷം തനിക്ക് ലോകകപ്പ് കളിക്കുവാന് താല്പര്യമുണ്ടോ എന്ന് ചോദിച്ചിരുന്നുവെന്നും ഡി വില്ലിയേഴ്സ് വ്യക്തമാക്കി. താന് താല്പര്യമുണ്ടെന്നാണ് അന്ന് അറിയിച്ചതെന്നും ഐപിഎലിന് ശേഷം ഇതിനെക്കുറിച്ച് കൂടുതല് വ്യക്തത വരുത്തുവാന് താനും ബൗച്ചറും കൂടിക്കാഴ്ച നടത്തുമെന്നും എ ബി ഡി വില്ലിയേഴ്സ് വ്യക്തമാക്കി.