യൂറോപ്പിലെ മികച്ച അഞ്ചു ലീഗുകളിൽ ഈ സീസണിൽ ഏറ്റവും കൂടുതൽ ക്ലീൻഷീറ്റ് എന്ന റെക്കോർഡ് മാഞ്ചസ്റ്റർ യുണൈറ്റഡിന്റെ സ്പാനിഷ് ഗോൾ കീപ്പർ ഡേവിഡ് ഡി ഹിയക്ക്. ഇന്നലെ നടന്ന ബേൺലി മത്സരത്തിൽ കൂടെ ഗോൾ വഴങ്ങാതെ വലകാത്തതോടെയാണ് ഡി ഹിയ യൂറോപ്പിൽ ഒന്നാമതെത്തിയത്.
ഇന്നലത്തെ ക്ലീൻ ഷീറ്റോടെ ലീഗിൽ മാഞ്ചസ്റ്റർ യുണൈറ്റഡിന് 14 ക്ലീൻ ഷീറ്റുകളായി. യൂറോപ്പിലെ ടോപ്പ് 5 ലീഗുകളിൽ വേറെ ഒരു ഗോൾ കീപ്പറും ഈ സീസണിൽ ഇത്ര ക്ലീൻ ഷീറ്റ് നേടിയിട്ടില്ല. പ്രീമിയർ ലീഗിലെ അവസാന നാലു മത്സരങ്ങളിലും ഡി ഹിയ ഗോൾ വഴങ്ങിയിട്ടില്ല. 24 മത്സരങ്ങളിൽ 14ലും യുണൈറ്റഡും ഡിഹിയയും ഗോൾ വഴങ്ങിയില്ല.
ഇത്തവണ പ്രീമിയർ ലീഗ് ഗോൾഡൻ ഗ്ലോവ് സ്വന്തമാക്കാം എന്ന പ്രതീക്ഷയിലാണ് ഡി ഹിയ.
കൂടുതൽ കായിക വാർത്തകൾക്ക് : www.facebook.com/FanportOfficial
