കോമൺവെൽത്ത് ഗെയിംസിൽ ഇന്ത്യക്ക് 55 മത്തെ മെഡൽ സമ്മാനിച്ചു സാഗർ ആഹ്ലാവത്. പുരുഷന്മാരുടെ 92 കിലോഗ്രാമിനു മുകളിലുള്ള സൂപ്പർ ഹെവി വെയിറ്റ് ഫൈനലിൽ ഇംഗ്ലീഷ് താരം ഡെലിഷസ് ഓറിയോട് സാഗർ പരാജയപ്പെടുക ആയിരുന്നു.
5 റൗണ്ടുകളും ഇംഗ്ലീഷ് താരത്തിന് അനുകൂലമായി ആണ് ജഡ്ജിമാർ വിധിച്ചത്. സ്വർണം നേടാൻ ആയില്ലെങ്കിലും മികച്ച പ്രകടനം ആണ് തന്റെ ആദ്യ കോമൺവെൽത്ത് ഗെയിംസിൽ 20 കാരനായ സാഗർ പുറത്ത് എടുത്തത്. ബോക്സിങിൽ ഇന്ത്യയുടെ ഏഴാം മെഡൽ കൂടിയായിരുന്നു ഇത്.