ബാഴ്സലോണയ്ക്ക് വേണ്ടി മോശം ഫോമിലാണ് കളിക്കുന്നത് എങ്കിലും ബ്രസീലിനു വേണ്ടി കുപ്പായം അണിയുമ്പോൾ കുട്ടീഞ്ഞോ എന്നും മികച്ച ഫോമിലാവും. ഇന്ന് പുലർച്ചെ നടന്ന കോപ അമേരിക്കയിലെ ആദ്യ മത്സരത്തിൽ തന്നെ ബ്രസീലിനു വേണ്ടി ഇരട്ട ഗോളുകൾ നേടിയാണ് കുട്ടീഞ്ഞോ തിളങ്ങിയത്. ടൂർണമെന്റിലെ ബ്രസീലിന്റെ ആദ്യ ഗോൾ നേടിയത് കുട്ടീഞ്ഞോ ആയിരുന്നു. ഇത് തുടർച്ചയായ മൂന്നാമത്തെ മേജർ ടൂർണമെന്റിൽ ആണ് കുട്ടീഞ്ഞോ ബ്രസീലിന്റെ ആദ്യ ഗോൾ നേടുന്നത്.
2016ൽ നടന്ന കോപ്പ അമേരിക്കയിൽ യുഎസ്എക്കെതിരെ ആയിരുന്നു ബ്രസീലിന്റെ ആദ്യ മത്സരം. ആദ്യ ഗോൾ നേടിയത് കുട്ടീഞ്ഞോ ആയിരുന്നു. കഴിഞ്ഞ ലോകകപ്പിലും ബ്രസീലിനു വേണ്ടി ആദ്യ ഗോൾ നേടിയത് കുട്ടീഞ്ഞോ തന്നെ. സ്വിറ്റ്സർലാന്റിനെതിരെ മികച്ച ഒരു ഗോൾ. ഇപ്പോൾ സ്വന്തം നാട്ടിൽ നടക്കുന്ന കോപ്പയിലും ആദ്യ ഗോൾ കുട്ടീഞ്ഞോ വക തന്നെ.