കോപ അമേരിക്കയ്ക്ക് ബ്രസീലിന്റെ വൻ വിജയത്തോടെ തുടക്കം. ഇന്ന് നടന്ന ടൂർണമെന്റിലെ ആദ്യ മത്സരത്തിൽ ബൊളീവിയയെ ആണ് ബ്രസീൽ പരാജയപ്പെടുത്തിയത്. ബാഴ്സലോണ താരം കൗട്ടീനോയുടെ ഇരട്ട ഗോളാണ് ബ്രസീലിന് വൻ വിജയം നേടിക്കൊടുത്തത്. ബ്രസീലിന്റെ കോപ അമേരിക്ക ചരിത്രത്തിലെ നൂറാം വിജയമായി ഇത്.
ഇന്ന് മത്സരത്തിന്റെ ആദ്യ പകുതിയിൽ താളം കണ്ടെത്താൻ ബ്രസീൽ വിഷമിച്ചിരുന്നു. രണ്ടാം പകുതിയിൽ 50ആം മിനുട്ടിൽ ലഭിച്ച പെനാൾട്ടി ആണ് ബ്രസീലിന്റെ കാര്യങ്ങൾ ശരിയാക്കിയത്. ഒരു ഹാൻഡ്ബോളൊന് ലഭിച്ച പെനാൾക്കി ലക്ഷ്യം തെറ്റാതെ കൗട്ടീനോ വലയിലാക്കി. പിന്നാലെ 53ആം മിനുട്ടിൽ ഒരു ഹെഡറിലൂടെ കൗട്ടീനോ തന്നെ ബ്രസീലിങെ രണ്ടാം ഗോളും നേടി.
ആദ്യ ഗോളിനു ശേഷം തന്നെ താളം കണ്ടെത്തിയ ബ്രസീൽ രണ്ടാം പകുതിയിൽ നിരവധി അവസരങ്ങൾ സൃഷ്ടിച്ചു. കളിയുടെ 85ആം മിനുട്ടിൽ തകർപ്പൻ ഒരു ഗോളോടെ എവർട്ടൺ ആണ് ഇന്നത്തെ ഗോൾ പട്ടിക പൂർത്തിയാക്കിയത്. ഇനി 19ആം തീയതൊ വെനിസ്വേലയുമാണ് ബ്രസീലിന്റെ മത്സരം.