ബാഴ്സലോണ കോപ ഡെൽ റേ ക്വാർട്ടർ ഫൈനലിലേക്ക് കടന്നു. ഇന്ന് നടന്ന മത്സരത്തിൽ മൂന്നാം ഡിവിഷൻ ക്ലബായ ലിനാരെസ് ഡിപോർടീവോയ്ക്ക് എതിരെ രണ്ടാം പകുതിയികെ തിരിച്ചുവരവുമായാണ് ബാഴ്സലോണ വിജയിച്ചത്. തുടകത്തിൽ ഒരു ഗോളിന് ബാഴ്സലോണ പിറകിൽ പോയിരുന്നു. 19ആം മിനുട്ടിൽ ഹ്യൂഗോ ഡിയസ് ആണ് ലിനാരസിന് ലീഡ് നൽകിയത്. രണ്ടാം പകുതിയിൽ 63ആം മിനുട്ട് വരെ ആ ലീഡ് തുടർന്നു.
63ആം മിനുട്ടിൽ ഡെംബലയുടെ ഗോൾ ബാഴ്സലോണക്ക് സമനില നൽകി. ആറ് മിനുട്ടുകൾ കഴിഞ്ഞ് ജുറ്റ്ഗ്ല ബാഴ്സലോണക്ക് ലീഡ് നൽകി. ഈ ഗോൾ വിജയ ഗോളായും മാറി.