സ്പെയിനിലെ തങ്ങളുടെ മികച്ച ഫോം റയൽ മാഡ്രിഡ് തുടരുന്നു. ഇന്നലെ കോപ ഡെൽ റേയിൽ ഇറങ്ങിയ റയൽ മാഡ്രിഡ് യു ഡി സാലമങ്കയെ എളുപ്പത്തിൽ തന്നെ പരാജയപ്പെടുത്തി. ഒന്നിനെതിരെ മൂന്നു ഗോളുകൾക്കായിരുന്നു റയൽ മാഡ്രിഡിന്റെ വിജയം. പ്രധാന താരങ്ങൾ പലർക്കും വിശ്രമം നൽകിയാണ് റയൽ ഇന്നലെ ഇറങ്ങിയത്.
ബെയ്ലും ബ്രാഹിം ഡയസും റയലിനു വേണ്ടി ഗോളടിച്ചു തിളങ്ങി. ഒരു സെൽഫ് ഗോളും സിദാന്റെ ടീമിന് സംഭാവനയായി ലഭിച്ചു. റൊമേരോ മൊറില്ലോ ആണ് സലമങ്കയുടെ ആശ്വാസ ഗോൾ നേടിയത്.