സാത്വിക് – ചിരാഗ് കൂട്ടുകെട്ട് ക്വാര്‍ട്ടറിൽ

Satwikchirag

ലോക റാങ്കിംഗിൽ 32ാം സ്ഥാനത്തുള്ള ഡെന്മാര്‍ക്ക് താരങ്ങളെ വീഴ്ത്തി സാത്വിക്സായിരാജ് – ചിരാഗ് ഷെട്ടി കൂട്ടുകെട്ട് ബാഡ്മിന്റൺ ലോക ചാമ്പ്യന്‍ഷിപ്പ് പുരുഷ ഡബിള്‍സ് ക്വാര്‍ട്ടറിൽ കടന്നു. ഇന്ന് നേരിട്ടുള്ള ഗെയിമുകളിലായിരുന്നു ഇന്ത്യന്‍ ടീമിന്റെ വിജയം. സ്കോര്‍: 21-12, 21-10.

ഇത് രണ്ടാമത്തെ ഇന്ത്യന്‍ ജോഡിയാണ് ടൂര്‍ണ്ണമെന്റിന്റെ ക്വാര്‍ട്ടര്‍ ഫൈനലില്‍ കടന്നത്. നേരത്തെ അര്‍ജ്ജുന്‍ – ധ്രുവ് കൂട്ടുകെട്ടും ക്വാര്‍ട്ടറിൽ പ്രവേശിച്ചിരുന്നു.