എ.ടി.പി ഫൈനൽസ് ഫൈനലിലേക്ക് മുന്നേറി നോർവെ താരം കാസ്പർ റൂഡ്. സെമിഫൈനലിൽ റഷ്യൻ താരം ആന്ദ്ര റൂബ്ലേവിനെ നേരിട്ടുള്ള സെറ്റുകൾക്ക് ആണ് റൂഡ് തോൽപ്പിച്ചത്. ഒരു തവണ ബ്രേക്ക് വഴങ്ങിയെങ്കിലും 4 തവണ എതിരാളിയെ ബ്രേക്ക് ചെയ്ത റൂഡ് 6-2, 6-4 എന്ന സ്കോറിനു ആണ് റൂബ്ലേവിനെ തോൽപ്പിച്ചത്.
ജയത്തോടെ വർഷം അവസാനിക്കുമ്പോൾ ലോക റാങ്കിൽ ആദ്യ മൂന്നിൽ ഉണ്ടാവും എന്നും റൂഡ് ഉറപ്പിച്ചു. ഫൈനലിൽ നൊവാക് ജ്യോക്കോവിച് ആണ് റൂഡിന്റെ എതിരാളി. ഈ സീസണിൽ ഫ്രഞ്ച് ഓപ്പണിലും യു.എസ് ഓപ്പണിലും ഫൈനലിൽ തോറ്റ റൂഡിന് മൂന്നാം മേജർ ഫൈനൽ ആണ് ഈ വർഷം ഇത്. അതിനാൽ തന്നെ കിരീടം തന്നെയാവും താരം ലക്ഷ്യം വക്കുക.