നാളെ പുലർച്ചെ നടക്കുന്ന കോപ അമേരിക്കയിൽ ആദ്യ മത്സരത്തിൽ ബ്രസീൽ ബൊളീവിയയെ നേരിടും. ബൊളീവയിക്കെതിരെ വെള്ള ജേഴ്സിയിൽ ആകും ബ്രസീൽ ഇറങ്ങുക. നീണ്ട കാലത്തിനു ശേഷമാണ് ബ്രസീൽ ഒരു ഔദ്യോഗിക മത്സരത്തിൽ വെള്ള ജേഴ്സി അണിയുന്നത്. അവസാനമായി 1957ൽ ആയിരുന്നു ബ്രസീൽ വെള്ള ജേഴ്സി അണിഞ്ഞ് കളിച്ചത്. നൈക് ആണ് ബ്രസീലിനായി ഈ ജേഴ്സി ഒരുക്കിയിരിക്കുന്നത്. ഗ്രൂപ്പ് ഘട്ടത്തിൽ ഈ ഒരു മത്സരത്തിൽ മാത്രമേ ബ്രസീൽ വെള്ള ജേഴ്സി അണിയുകയുള്ളൂ.
