വിന്ഡീസ് ഓള്റൗണ്ടര് ഡ്വെയിന് ബ്രാവോ ടി20 അന്താരാഷ്ട്ര ക്രിക്കറ്റിലേക്ക് മടങ്ങി വരുവാന് ആഗ്രഹം പ്രകടിപ്പിച്ചത് വളരെ ആവേശകരമായ വാര്ത്തയാണെന്ന് പറഞ്ഞ് വിന്ഡീസ് സഹ പരിശീലകന് റോഡി എസ്റ്റ്വിക്. മൂന്ന് വര്ഷത്തിലധികമായി വിന്ഡീസിന് വേണ്ടി കളിക്കാത്ത താരം ടി20 ലോകകപ്പില് വിന്ഡീസിനായി കളിക്കണമെന്ന് ആഗ്രഹം പ്രകടിപ്പിച്ചിരുന്നു. ബ്രാവോ എന്ന് മടങ്ങി വരുമെന്ന് തനിക്ക് വ്യക്തമായി അറിയില്ലെങ്കിലും പരിചയ സമ്പത്തുള്ള താരം ഡ്രെസ്സിംഗ് റൂമിലുള്ളത് സന്തോഷകരമായ കാര്യമാണെന്ന് റോഡി അഭിപ്രായപ്പെട്ടു.
ടി20യില് ബ്രാവോയുടെ അത്രയും പരിചയസമ്പത്തുള്ള താരം എത്തുന്നത് ടീമില് എല്ലാവരും സന്തോഷത്തോടെയാവും സ്വീകരിക്കുകയെന്നും റോഡി വ്യക്തമാക്കി. ബ്രാവോയുടെ ഡെത്ത് ബൗളിംഗ് കഴിവും വൈവിധ്യവും താരത്തെ സര്വ്വ സമ്മതനാക്കുന്നുവെന്നും റോഡി അഭിപ്രായപ്പെട്ടു.