മൊഹാലിയില് നടക്കുന്ന നാലാം ഏകദിനത്തില് ഇന്ത്യയ്ക്ക് മിന്നും തുടക്കം. ടോസ് നേടി ബാറ്റിംഗ് തിരഞ്ഞെടുത്ത ഇന്ത്യ ഏതാനും മാറ്റങ്ങളുമായാണ് മത്സരത്തിനിറങ്ങിയത്. ഇന്ത്യ നാല് മാറ്റങ്ങളാണ് കഴിഞ്ഞ മത്സരത്തിലെ ടീമില് വരുത്തിയത്. ധോണിയ്ക്ക് പകരം പന്തും ഷമി, ജഡേജ, റായിഡു എന്നിവര്ക്ക് പകരം യഥാക്രമം ഭുവനേശ്വര് കുമാര്, ചഹാല്, ലോകേഷ് രാഹുല് എന്നിവരും ടീമിലെത്തി. അതേ സമയം ഓസ്ട്രേലിയ ലയണിനു പകരം ബെഹ്രെന്ഡോര്ഫും സ്റ്റോയിനിസിനു പകരം ടര്ണറെയും ടീമില് ഉള്പ്പെടുത്തി.
ബാറ്റിംഗ് ആരംഭിച്ച് ഇന്ത്യന് ഓപ്പണര് മിന്നും ഫോമില് ബാറ്റ് വീശുന്ന കാഴ്ചയാണ് പിന്നീട് മൊഹാലിയില് കണ്ടത്. ആദ്യ ഓവറുകളില് ഓസീസ് സമ്മര്ദ്ദം അതിജീവിച്ച ഓപ്പണര്മാര് പിന്നെ മികച്ച ഫോമില് ബാറ്റ് വീശുന്നതാണ് കണ്ടത്. ഇരുവരും തങ്ങളുടെ അര്ദ്ധ ശതകം തികച്ച് ക്രീസില് നില്ക്കുമ്പോള് ഇന്ത്യ 22 ഓവര് പിന്നിടുമ്പോള് 130 റണ്സാണ് നേടിയിട്ടുള്ളത്. ശിഖര് ധവാന് 78 റണ്സും രോഹിത് ശര്മ്മ 50 റണ്സും നേടി ക്രീസില് നില്ക്കുന്നു.