48-17 എന്ന വലിയ മാര്ജിനിലുള്ള വിജയം നേടി ബംഗാള് വാരിയേഴ്സ്. ഇന്നലെ നടന്ന ആദ്യ മത്സരത്തില് യുപി യോദ്ധയെയാണ് ബംഗാള് വാരിയേഴ്സ് നിഷ്പ്രഭമാക്കിയത്. പ്രൊകബഡി ലീഗ് ചരിത്രത്തിലെ തന്നെ ഏറ്റവും ഉയര്ന്ന മാര്ജിനിലുള്ള വിജയമായിരുന്നു ഇന്നലെ ടീം സ്വന്തമാക്കിയത്. ആദ്യ പകുതിയില് ഇരു ടീമുകളും തമ്മില് വലിയ അന്തരമൊന്നുമില്ലായിരുന്നുവെങ്കിലും 17-9 എന്ന സ്കോറിന് ബംഗാള് തന്നെയായിരുന്നു മുന്നില്. പിന്നീട് രണ്ടാം പകുതിയില് ബംഗാളിന്റെ പൂര്ണ്ണാധിപത്യമാണ് കണ്ടത്.
ബംഗാളിന് വേണ്ടി മുഹമ്മദ് നബിബക്ഷ് പത്ത് പോയിന്റും മനീന്ദര് സിംഗ്, ബല്ദേവ് സിംഗ എന്നിവര് യഥാക്രമം 9, 7 പോയിന്റുകളും നേടി. യുപിയ്ക്കായി മോനു ഗോയത് 6 പോയിന്റുമായി ടോപ് സ്കോറര് ആയി.
നാല് തവണയാണ് യുപി മത്സരത്തില് ഓള്ഔട്ട് ആയത്. 24-10 എന്ന സ്കോറിന് റെയിഡിംഗിലും 14-5 എന്ന സ്കോറിന് പ്രതിരോധത്തിലും വ്യക്തമായ മേല്ക്കൈ നേടിയത് ബംഗാള് വാരിയേഴ്സ് തന്നെയായിരുന്നു.