ലാ ലീഗയിൽ കിരീട പോരാട്ടത്തിൽ അത്ലറ്റികോ മാഡ്രിഡിന് കടുത്ത വെല്ലുവിളിയുമായി ബാഴ്സലോണ. ലാ ലീഗയിൽ ഈ സീസണിൽ മികച്ച പ്രകടനം പുറത്തെടുത്ത റയൽ സോസിഡാഡിനെയാണ് ബാഴ്സലോണ പരാജയപ്പെടുത്തിയത്. ഒന്നിനെതിരെ ആറ് ഗോളുകൾക്കായിരുന്നു ബാഴ്സലോണയുടെ ജയം.
ജയത്തോടെ അത്ലറ്റികോ മാഡ്രിഡിന് പിന്നിൽ രണ്ടാം സ്ഥാനത്ത് എത്താനും ബാഴ്സലോണക്കായി. ബാഴ്സലോണക്ക് വേണ്ടി അന്റോണിയോ ഗ്രീസ്മാൻ ആണ് ആദ്യ ഗോൾ നേടിയത്. തുടർന്ന് സെർജിനോ ഡെസ്റ്റിന്റെയും മെസ്സിയുടെയും ഗോളുകളിൽ ബാഴ്സലോണ മത്സരം കൈ പിടിയിലൊതുക്കുകയായിരുന്നു. ബാഴ്സലോണയുടെ മറ്റൊരു ഗോൾ നേടിയതേ ഡെംമ്പലെയാണ്. റയൽ സോസിഡാഡിന്റെ ആശ്വാസ ഗോൾ നേടിയത് ആൻഡെർ ബാറൻനെക്സിയ ആണ്.
ജയത്തോടെ 28 മത്സരങ്ങളിൽ നിന്ന് 62 പോയിന്റാണ് ബാഴ്സലോണക്ക് ഉള്ളത്. 66 പോയിന്റോടെ നിലവിൽ അത്ലറ്റികോ മാഡ്രിഡ് തന്നെയാണ് ലീഗിൽ ഒന്നാം സ്ഥാനത്ത്. 60 പോയിന്റുമായി റയൽ മാഡ്രിഡ് ബാഴ്സലോണക്ക് തൊട്ടുപിറകിലുണ്ട്.