65 കിലോ വിഭാഗം ഫ്രീസ്റ്റൈൽ ഗുസ്തിയിൽ ഇന്ത്യയുടെ ബജ്റംഗ് പൂനിയ ക്വാര്ട്ടറിൽ. ഇന്ന് നടന്ന മത്സരത്തിൽ കിര്ഗിസ്ഥാന്റെ എര്ണാസര് അക്മതാലിയേവിനെതിരെയാണ് ബജ്റംഗ് റൗണ്ട് ഓഫ് 16ൽ ഏറ്റുമുട്ടിയത്.
3-1ന് ബജ്റംഗ് ആദ്യ പിരീഡിൽ ലീഡ് ചെയ്തുവെങ്കിലും രണ്ടാം പിരീഡിൽ അക്മതാലിയേവ് ശക്തമായ തിരിച്ചുവരവ് നടത്തി 3-3 ന് ഒപ്പമെത്തുകയായിരുന്നു. എന്നാൽ കിര്ഗിസ്ഥാന് താരം നേടിയ പോയിന്റുകള് എല്ലാം സിംഗിള് പോയിന്റ് ആയതിനാൽ തന്നെ ടെക്നിക്കൽ ആനുകൂല്യം നേടി ബജ്റംഗ് ക്വാര്ട്ടറിൽ കടന്നു.
ഇറാന്റെ ചേക്ക ഖിയാസി ആണ് ക്വാര്ട്ടറിൽ ബജ്രംഗിന്റെ എതിരാളി.