പാക്കിസ്ഥാന്റെ പ്രതീക്ഷകളെ കാത്ത് സൂക്ഷിക്കുന്ന തുടക്കവുമായി ബാബര് അസം. ലഞ്ചിന് 53/2 എന്ന നിലയില് നിന്ന് ബാറ്റിംഗ് പുനരാരംഭിച്ച പാക്കിസ്ഥാനെ ബാബര് അസമും ഷാന് മക്സൂദും ചേര്ന്ന് മുന്നോട്ട് നയിക്കുകയായിരുന്നു. 71 പന്തില് നിന്ന് 52 റണ്സ് നേടിയ ബാബര് അസമിനൊപ്പം 134 പന്തില് നിന്ന് 45 റണ്സ് നേടിയ ഷാന് മക്സൂദും നിലയുറപ്പിച്ചപ്പോള് 41.1 ഓവറില് പാക്കിസ്ഥാന് 121/2 എന്ന നിലയിലാണ്.
മഴ മാഞ്ചസ്റ്ററില് രസം കൊല്ലിയായി അവതരിക്കുമ്പോളും പാക്കിസ്ഥാന് പ്രതീക്ഷകള് പടുത്തുയര്ത്തുന്ന മൂന്നാം വിക്കറ്റ് കൂട്ടുകെട്ടാണ് ഈ താരങ്ങള് പുറത്തെടുക്കുന്നത്. ഇതുവരെ 78 റണ്സാണ് ഇരുവരും ചേര്ന്ന് നേടിയത്. പാക്കിസ്ഥാന്റെ വിജയ പ്രതീക്ഷകള് ഈ കൂട്ടുകെട്ടിലാണ്, പ്രത്യേകിച്ച് ബാബര് അസമിന്റെ ഇന്നിംഗ്സ്. താരം നിലയുറപ്പിച്ച് കഴിഞ്ഞാല് മികച്ച സ്കോറിലേക്ക് ടീം നീങ്ങുമെന്ന് ഉറപ്പാണ്.