അവനി ലെഖര ഒരിക്കൽ കൂടെ ഇന്ത്യയുടെ അഭിമാനമായിരിക്കുകയാണ്. ഏഷ്യൻ പാരാ ഗെയിംസിലും അവനി സ്വർണ്ണം നേടി. ടോക്കിയോ പാരാലിമ്പിക് ചാമ്പ്യൻ അവനി ലെഖാര ചൈനയിലും ഇന്ത്യയുടെ അഭിമാനം ഉയർത്തു. R2 – വനിതകളുടെ 10m AR സ്റ്റാൻഡ് SH1 ഫൈനലിൽ സ്വർണ്ണ മെഡൽ അവർ ഉറപ്പിച്ചു. 249.6 എന്ന ശ്രദ്ധേയമായ ടോട്ടൽ സ്കോറുമായി ലെഖര മൂന്ന് ചൈനീസ് എതിരാളികളെ പിന്നിലാക്കി ആണ് സ്വർണ്ണം നേടിയത്.
മറ്റൊരു ഇന്ത്യൻ മത്സരാർത്ഥി മോണ അഗർവാൾ, കടുത്ത മത്സരങ്ങൾക്കിടയിൽ ആറാം സ്ഥാനത്തെത്തി.
ഇന്ത്യയുടെ നാലാമത്തെ സ്വർണ്ണ മെഡൽ ആണ് ഇത്. നേരത്തെ ഹൈ ജമ്പിൽ രണ്ട് സ്വർണ്ണവും ക്ലബ് ത്രോയിൽ ഒരു സ്വർണ്ണവും ഇന്ത്യ നേടിയിരുന്നു. ഇന്ത്യക്ക് ആകെ 11 മെഡൽ ആയി. നാലു സ്വർണ്ണം, അഞ്ച് വെള്ളി, 2 വെങ്കലം എന്നിവയാണ് ഇന്ത്യ നേടിയത്.