ഏകദിന പരമ്പര തൂത്തുവാരിയ ശേഷം ടി20യിലും വിജയത്തോടെ തുടങ്ങി ഓസ്ട്രേലിയ. ഇന്ന് നടന്ന ആദ്യ ടി20 മത്സരത്തില് ആദ്യം ബാറ്റ് ചെയ്ത ഓസ്ട്രേലിയന് വനിതകള് 3 വിക്കറ്റ് നഷ്ടത്തില് 195 റണ്സ് നേടിയപ്പോള് പാക്കിസ്ഥാനു 131/7 എന്ന സ്കോര് മാത്രമേ നേടാനായുള്ളു. 64 റണ്സിന്റെ വിജയം നേടിയ ഓസ്ട്രേലിയന് നിരയിലെ സോഫി മോളിനെക്സ് ആണ് കളിയിലെ താരം.
ആഷ്ലെ ഗാര്ഡ്നര് 63 റണ്സ് നേടി പുറത്താകാതെ നിന്നപ്പോള് അലൈസ ഹീലി(59), ബെത്ത് മൂണി(38) എന്നിവരും പാക്കിസ്ഥാനു വേണ്ടി തിളങ്ങി. 43 റണ്സുമായി ഓപ്പണിംഗ് താരം നാഹിദ ഖാന് മികച്ച് നിന്നുവെങ്കിലും മറ്റാര്ക്കും മികവ് പുലര്ത്താനാകാതെ പോയത് പാക്കിസ്ഥാനു തിരിച്ചടിയായി.
ഓസ്ട്രേലിയയ്ക്കായി സോഫി മോളിനെക്സ് നാല് വിക്കറ്റ് നേടി. മെഗാന് ഷട്ട്, ഡിലീസ്സ കിമ്മിന്സ്, ജോര്ജ്ജിയ വെയര്ഹാം എന്നിവര് ഓരോ വിക്കറ്റ് നേടി.