ആദ്യ റൗണ്ടിൽ കടുത്ത പോരാട്ടത്തെ അതിജീവിച്ചെത്തിയ ഇന്ത്യയുടെ ഒന്നാം നമ്പര്‍ താരം അതാനു ദാസിന് രണ്ടാം റൗണ്ടിൽ ത്രില്ലര്‍ വിജയം. കൊറിയയുടെ ഓ ജിന്‍ഹുകിനെതിരെയായിരുന്നു അതാനുവിന്റെ എതിരാളി. മുന്‍ ഒളിമ്പിക്സ് സ്വര്‍ണ്ണ മെഡൽ ജേതാവായ താരത്തെ ഷൂട്ട്ഓഫിൽ 6-5ന് പരാജയപ്പെടുത്തിയാണ് ഇന്ത്യന്‍ താരം അടുത്ത റൗണ്ടിലെത്തിയത്.
ആദ്യ സെറ്റിൽ കൊറിയയുടെ താരത്തിന്റെ തുടക്കം മോശമായിരുന്നുവെങ്കിലും അതാനുവിൽ നിന്നും മികച്ച പ്രകടനം വരാതിരുന്നപ്പോള്‍ 26-25 എന്ന നിലയിൽ സെറ്റ് കൊറിയ സ്വന്തമാക്കി. രണ്ടാം സെറ്റിൽ അതാനു ഭേദപ്പെട്ട പ്രകടനം പുറത്തെടുത്തുവെങ്കിലും കൊറിയ മികച്ച രീതിയിലാണ് തുടങ്ങിയത്. എന്നാൽ അവസാന ശ്രമം കൊറിയയ്ക്ക് പിഴച്ചപ്പോള്‍ സെറ്റ് ഇരുവരും പങ്കിട്ടെടുത്തു.
മൂന്നാം സെറ്റും ഇരു താരങ്ങളും പങ്കിട്ടെടുക്കുന്നതാണ് കണ്ടത്. അതോടെ കൊറിയയുടെ ലീഡ് 4-2 എന്ന നിലയിൽ കൊറിയയ്ക്ക് ലീഡായി. നാലാം സെറ്റിൽ കൊറിയന്‍ താരത്തിന് പിഴയ്ക്കുകയും അതാനു ഒരു പെര്‍ഫക്ട് ടെന്നും നേടിയപ്പോള്‍ സെറ്റ് സ്വന്തമാക്കി ഇന്ത്യന്‍ താരം മത്സരം 4-4 ലേക്ക് മാറ്റി.
അഞ്ചാം സെറ്റും സ്പ്ലിറ്റായപ്പോള്‍ മത്സരം ഷൂട്ട് ഓഫിലേക്ക് പോയി.
