അൽമോസ് അലി കൊടുങ്കാറ്റായി മാറിയ മത്സരത്തിൽ ഖത്തറിന് സുഖകരമായ ജയം. ഇന്ന് ഉത്തര കൊറിയയെ നേരിട്ട ഖത്തർ എതിരില്ലാത്ത ആറു ഗോളുകൾക്കാണ് വിജയിച്ചത്. ആറു ഗോളുകളിൽ നാലു ഗോളുകളും അൽമോസ് അലിയുടെ സംഭാവനയായിരുന്നു. ഈ ഏഷ്യൻ കപ്പിലെ ആദ്യ ഹാട്രിക്ക് കൂടുയായി ഇത്. മത്സരത്തിന്റെ 9, 11, 55, 60 മിനുട്ടുകളിൽ ആയിരുന്നു അലിയുടെ ഗോളുകൾ.
ഈ ഗോളുകളോടെ ടൂർണമെന്റിലെ നിലവിലെ ടോപ്പ് സ്കോറർ ആയും അലി മാറി. അലിയെ കൂടാതെ ഖൗകി, ഹസൻ എന്നിവരാണ് ഖത്തറിന്റെ മറ്റു ഗോൾ സ്കോറേഴ്സ്. ഈ വിജയം ഖത്തറിനെ നോക്കൗട്ട് റൗണ്ടിലേക്ക് എത്തിച്ചു. കഴിഞ്ഞ മത്സരത്തിൽ ലെബനനെയും ഖത്തർ തോൽപ്പിച്ചിരുന്നു.