എ എഫ് സി കപ്പ് ഗ്രൂപ്പ് ഘട്ടത്തിൽ ചെന്നൈയിന് ആദ്യ വിജയം. ഇന്ന് നടന്ന മത്സരത്തിൽ നേപ്പാൾ ക്ലബായ മനങ് മർഷ്യങ്ഡിയെ ആണ് ചെന്നൈയിൻ പരാജയപ്പെടുത്തിയത്. ചെന്നൈയിന്റെ ഹോം ഗ്രൗണ്ടായ ട്രാൻസ്റ്റേഡിയയിൽ നടന്ന മത്സരത്തിൽ എതിരില്ലാത്ത രണ്ടി ഗോളുകൾക്കാണ് ചെന്നൈയിൻ വിജയിച്ചത്. രണ്ട് ഗോളുകളും കളിയുടെ രണ്ടാം പകുതിയിലാണ് വന്നത്.
മലയാളി താരം മുഹമ്മദ് റാഫിക്ക് നീണ്ട കാലത്തിന് ചെന്നൈയിന്റെ ആദ്യ ഇലവനിൽ അവസരം കിട്ടിയ മത്സരമായിരുന്നു ഇത്. പക്ഷെ റാഫിക്ക് കാര്യമായി ഒന്നും ചെയ്യാനായില്ല. രണ്ടാം പകുതിയിൽ 51ആം മിനുട്ടിൽ ഹെർഡ് ആണ് ചെന്നൈയിന് ലീഡ് നൽകിയത്. ഹെർഡിന്റെ ചെന്നൈയിന് വേണ്ടിയുള്ള ആദ്യ ഗോളായിരുന്നു ഇത്. 53ആം മിനുട്ടിൽ ഒരു ബുള്ളറ്റ് ഹെഡറിലൂടെ മെയിൽസൺ ആൽവേസ് ചെന്നൈയിന്റെ രണ്ടാം ഗോളും നേടി.
ഈ വിജയത്തോടെ ഗ്രൂപ്പിൽ ചെന്നൈയിൻ ഒന്നാമതെത്തി. നേരത്തെ ആദ്യ മത്സരത്തിൽ മിനേർവയുമായി ചെന്നൈയിൻ സമനില വഴങ്ങിയിരുന്നു.