ലൂക്കാസ് പക്വേറ്റക്ക് വേണ്ടിയുള്ള വെസ്റ്റ്ഹാമിന്റെ പുതിയ ഓഫർ ലിയോൺ അംഗീകരിച്ചു. ഒരു ക്ലബുകളും തമ്മിൽ ട്രാൻസ്ഫറിന്റെ സാങ്കേതിക നടപടികൾ പൂർത്തിയാക്കുകയാണ് ഇപ്പോൾ. 60 മില്യൺ യൂറോയോളം ആണ് പക്വേറ്റയ്ക്ക് ആയി വെസ്റ്റ് ഹാം നൽകുന്നത്. ട്രാൻസ്ഫർ നടപടികൾ പെട്ടെന്ന് പൂർത്തിയാക്കി അടുത്ത മത്സരത്തിൽ തന്നെ താരത്തെ ഇറക്കാൻ ആണ് ഇപ്പോൾ വെസ്റ്റ് ഹാം നോക്കുന്നത്.
മുൻ ഫ്ലെമെങ്ങോ താരമായ പക്വിറ്റ 2020ലാണ് എസി മിലാൻ വിട്ട് ലിയോണിലേക്ക് എത്തിയത്. രണ്ടു സീസണുകളിലായി എൺപതോളം മത്സരങ്ങൾ ഫ്രഞ്ച് ടീമിനായി കളിച്ചിട്ടുണ്ട്. അവസാന മൂന്ന് ലീഗ് മത്സരങ്ങളിലും വെസ്റ്റ് ഹാം പരാജയപ്പെട്ടത് കൊണ്ട് തന്നെ കൂടുതൽ താരങ്ങളെ എത്തിച്ച് ടീം ശക്തമാക്കുകയാണ് മോയ്സ്. വെസ്റ്റ് ഹാം അദ്നാൻ യനുസയിനെയും സ്വന്തമാക്കാൻ സാധ്യതയുണ്ട്.