ഏഷ്യൻ പാരാ ഗെയിംസിൽ ഇന്ത്യക്ക് ഒരു മെഡൽ കൂടെ. 400 മീറ്ററിൽ ദിലീപ് ആണ് ഇന്ത്യക്ക് ആയി സ്വർണ്ണം നേടിയത്. പുരുഷൻമാരുടെ 400 മീറ്റർ ടി47 ഇനത്തിൽ ആയിരുന്നു സ്വർണ്ണം. 49.48 സെക്കൻഡിൽ ഓടിയെത്തി ദിലീപ് ഗാവിറ്റ് ഒന്നാം സ്ഥാനം ഉറപ്പിച്ചു. അത്ലറ്റിക്സിലെ ഇന്ത്യയുടെ ഏഴാം സ്വർണ്ണം ആണിത്. ആകെ 55 മെഡലുകൾ ഇന്ത്യ അത്കറ്റിക്സിൽ മാത്രം നേടി.
100നു മുകളിൽ ആകെ മെഡലുകളും ഇന്ത്യ നേടി. ഇന്ത്യ ഇത് ആദ്യമായാണ് ഏഷ്യൻ പാരാ ഗെയിംസിൽ 100ൽ അധികം മെഡലുകൾ നേടുന്നത്. 29 സ്വർണ്ണം, 31 വെള്ളി, 49 വെങ്കലം എന്നിങ്ങനെ 109 മെഡലുകൾ ആണ് ഇന്ത്യ ഇതുവരെ നേടിയത്.