ഹൈദരാബാദിൽ ഇംഗ്ലണ്ടിനെതിരെ പരാജയപ്പെട്ടതോടെ ഇന്ത്യ ലോക ടെസ്റ്റ് ചാമ്പ്യൻഷിപ്പ് ടേബിളിൽ പുറകോട്ട് പോയി. 43% മാത്രം വിജയ ശതമാനം ഉള്ള ഇന്ത്യ അഞ്ചാം സ്ഥാനത്തേക്ക് താഴ്ന്നു. ബംഗ്ലാദേശിനു താഴെ ആണ് ഇപ്പോൾ ഇന്ത്യ ഉള്ളത്. ഓസ്ട്രേലിയ ആണ് ഒന്നാമത് ഉള്ളത്. ദക്ഷിണാഫ്രിക്ക, ന്യൂസിലൻഡ് എന്നിവരും ഇന്ത്യക്ക് മുന്നിൽ ഉണ്ട്.
ഇപ്പോൾ നടന്നുകൊണ്ടിരിക്കുന്ന ലോക ടെസ്റ്റ് ചാമ്പ്യൻഷിപ്പ് ടൂർണമെൻ്റിൽ 5 ടെസ്റ്റ് മത്സരങ്ങൾ കളിച്ച ഇന്ത്യൻ ടീം രണ്ട് ടെസ്റ്റ് മത്സരങ്ങൾ വീതം ജയിക്കുകയും തോൽക്കുകയും ഒരു കളി സമനിലയിലാവുകയും ചെയ്തിട്ടുണ്ട്. വെസ്റ്റ് ഇൻഡീസിലും ദക്ഷിണാഫ്രിക്കയിലും ഓരോ ടെസ്റ്റ് മത്സരങ്ങൾ വീതം ജയിച്ച ഇന്ത്യ ദക്ഷിണാഫ്രിക്കയ്ക്കും ഇംഗ്ലണ്ടിനുമെതിരെ ഓരോ മത്സരം തോറ്റു. വെസ്റ്റ് ഇൻഡീസിനെതിരെയാണ് ഇന്ത്യയുടെ സമനില വന്നത്.
