അബുദാബിയില് പാക്കിസ്ഥാന് 4 റണ്സിനു വിജയം കൈവിട്ടത് തന്റെ കരിയറിലെ ഏറ്റവും ദയനീയമായ പരാജയമാണെന്ന് പറഞ്ഞ് മിക്കി ആര്തര്. കളിക്കാര്ക്കും കോച്ചിംഗ് സ്റ്റാഫിനും ടീമുമായി ബന്ധപ്പെട്ട എല്ലാവരെയും ഈ തോല്വി വല്ലാതെ അലട്ടുന്നുണ്ട്. ഈ പരാജയത്തില് നിന്ന് പ്രഛോദനം ഉള്ക്കൊണ്ട് അടുത്ത മത്സരത്തില് ജയം നേടുവാന് ടീമിനു കഴിയുമെന്നും മിക്കി ആര്തര് പറഞ്ഞു.
സമ്മര്ദ്ദത്തിലെ ഷോട്ട് സെലക്ഷനാണ് ടീമിനു തിരിച്ചടിയായതെന്നും ടീമിനു അലസ മനോഭാവമില്ലായിരുന്നുവെന്നുമാണ് മിക്കി ആര്തര് അഭിപ്രായപ്പെട്ടത്. ഇതില് നിന്ന് പാഠം ഉള്ക്കൊണ്ട് മുന്നോട്ട് പോകുന്നതിലാണ് ടീം ഇനി ചെയ്യേണ്ടതെന്നും മിക്കി ആര്തര് അഭിപ്രായപ്പെട്ടു.