2024ലെ ടി20 ലോകകപ്പിന് മുന്നോടിയായി ഇന്ത്യൻ പ്രീമിയർ ലീഗിൽ നിന്ന് പിന്മാറിയത് ആണ് താൻ ചെയ്ത ഏറ്റവും മികച്ച കാര്യമെന്ന് ഓസ്ട്രേലിയൻ സ്പിന്നർ ആദം സാമ്പ പറഞ്ഞു. ഇംഗ്ലണ്ടിനെതിരെ സാമ്പ നാല് ഓവറിൽ 2/28 എന്ന മികച്ച സ്പെൽ എറിഞ്ഞ് പ്ലയർ ഓഫ് ദി മാച്ച് ആയിരുന്നു. ഈ മത്സരത്തിനു ശേഷം സംസാരിക്കുക ആയിരുന്നു അദ്ദേഹം.
“ഐപിഎല്ലിൽ നിന്ന് പിന്മാറാൻ ഞാം തീരുമാനമെടുത്തു, ഈ ലോകകപ്പിലേക്ക് വരുമ്പോൾ ഞാൻ ചെയ്ത ഏറ്റവും നല്ല കാര്യമാണ് ഐ പി എല്ലിൽ നിന്ന് പിന്മാറിയത് എന്ന് ഞാൻ കരുതുന്നു.” സാമ്പ പറഞ്ഞു.
“ഞാൻ ക്ഷീണിതനായിരുന്നു, എനിക്ക് ചില അസ്വസ്ഥതകൾ ഉണ്ടായിരുന്നു, ഞാൻ കുടുംബത്തെ കാര്യമായി കണക്കാക്കുന്ന ആളാണ്, അതിനാൽ ജോലിക്ക് മേൽ അവർക്ക് ചില സമയങ്ങളിൽ എങ്കിലും മുൻഗണന കൊടുക്കേണ്ടതുണ്ട്.” മത്സരത്തിന് ശേഷമുള്ള പത്രസമ്മേളനത്തിൽ സാമ്പ പറഞ്ഞു.