ഈ ലോകകപ്പിൽ വിരാട് കോഹ്ലി തന്നെയാണ് ഓപ്പൺ ചെയ്യേണ്ടത് എന്ന് മുൻ ഇന്ത്യൻ താരം സുനിൽ ഗവാസ്കർ. രോഹിത് ശർമ്മക്ക് ഒപ്പം കോഹ്ലി ഓപ്പൺ ചെയ്യുന്നത് ഇന്ത്യക്ക് കരുത്ത് നൽകും എന്ന് ഗവാസ്കർ പറയുന്നു.
“വിരാട് കോഹ്ലി മികച്ച ഫോമിലാണ്, പ്രത്യേകിച്ച് ഐ പി എൽ സീസണിൻ്റെ രണ്ടാം പകുതിയിൽ, രോഹിത് ശർമ്മയ്ക്കൊപ്പം അദ്ദേഹം ഓപ്പൺ ചെയ്യണം. നല്ല കളിക്കാർ നല്ല കളിക്കാരാണ്, ഐപിഎല്ലിൽ കോഹ്ലി കാണിച്ച ഫോം നോക്കിയാൽ അദ്ദേഹം ബാറ്റിംഗ് ഓപ്പൺ ചെയ്യണം.” ഗവാസ്കർ പറഞ്ഞു.
“ഓപ്പണിംഗിൽ ഇടം, വലം കൈ കോമ്പിനേഷനെക്കുറിച്ച് സംസാരിക്കുന്നത് നല്ലതാണ്, എന്നാൽ നല്ല കളിക്കാർ അവർ എവിടെ ബാറ്റ് ചെയ്താലും നല്ല കളിക്കാരാണ്.” ഗവാസ്കർ പറഞ്ഞു.