ഇന്ത്യയും ന്യൂസിലൻഡും തമ്മിലുള്ള സന്നാഹ മത്സരം മഴ കാരണം ഉപേക്ഷിച്ചു. ഇന്ന് ഗാബയിൽ വെച്ച് നടക്കേണ്ട മത്സരം ശക്തമായ മഴ കാരണം ടോസ് പോലും നടക്കാതെ ആണ് ഉപേക്ഷിക്കേണ്ടി വന്നത്. ഇന്ത്യയുടെ അവസാന സന്നാഹ മത്സരമായിരുന്നു ഇത്. ഇനി ഇന്ത്യ ഒക്ടോബർ 23ന് പാകിസ്താനെ ലോകകപ്പിലെ ആദ്യ മത്സരത്തിൽ നേരിടും. മെൽബണിൽ വെച്ചാകും ആ മത്സരം നടക്കുക. ആ മത്സരത്തിനും മഴ ഭീഷണി ഉണ്ട്.
നേരത്തെ ലോകകപ്പിനായുള്ള ഒരുക്കത്തിൽ ഇന്ത്യ ആദ്യ സന്നാഹ മത്സരത്തിൽ ഓസ്ട്രേലിയയെ പരാജയപ്പെടുത്തിയിരുന്നു. ഇന്ന് നടന്ന പാകിസ്താൻ ബംഗ്ലാദേശ് സന്നാഹ മത്സരവും മഴ കാരണം പകുതിക്ക് വെച്ച് നിർത്തേണ്ടി വന്നു.