ഏറെ കാലമായി ആഗ്രഹിച്ച വിജയമാണ് ഇന്ന് അഫ്ഗാൻ ഓസ്ട്രേലിയക്ക് എതിരെ നേടിയത് എന്ന് ഇന്ന് കളിയിലെ താരമായ ഗുൽബദിൻ നയിബ്. ഇന്ന് നാലു വിക്കറ്റുകൾ എടുത്ത് അഫ്ഗാൻ ജയത്തിൽ നിർണായക പങ്ക് വഹിക്കാൻ നയിബിന് ആയിരുന്നു.
“ഞങ്ങൾ വളരെക്കാലമായി കാത്തിരിക്കുകയായിരുന്നു ഈ നിമിഷത്തിന്. എനിക്ക്, എൻ്റെ രാഷ്ട്രത്തിന്, എൻ്റെ ജനങ്ങൾക്ക് മഹത്തായ നിമിഷമാണിത്. ഞങ്ങളുടെ ക്രിക്കറ്റിന് വലിയ നേട്ടമാണ്. ഞങ്ങളുടെ ക്രിക്കറ്റ് യാത്രയെ പിന്തുണച്ചതിന് ഞങ്ങളുടെ ആരാധകർക്ക് നന്ദി. കഴിഞ്ഞ 2 മാസമായി ഞങ്ങൾ കഠിനാധ്വാനം ചെയ്തു, അതിനുള്ളൽ ഫലം ലഭിച്ചു.” നയിബ് പറഞ്ഞു.
ഈ വിക്കറ്റിൽ ബാറ്റ് ചെയ്യാൻ എളുപ്പമായിരുന്നില്ല, എന്നെ വിശ്വസിച്ചതിന് റാഷിദിന് നന്ദി. ഇത് ഒരു സമ്പൂർണ്ണ ടീം പ്രയത്നമായിരുന്നു. നവീൻ ബൗൾ ചെയ്ത രീതി, ഗുർബാസും ഇബ്രാഹിമും ബാറ്റ് ചെയ്ത രീതി. ഞങ്ങൾ അവസാനം ഓസ്ട്രേലിയയെ പരാജയപ്പെടുത്തി.” അദ്ദേഹം പറയുന്നു.
“കഴിഞ്ഞ ലോകകപ്പിൽ മികച്ച ക്രിക്കറ്റ് കളിച്ചു, ഈ വർഷം ഞങ്ങൾ ന്യൂസിലൻഡിനെ തോൽപിച്ചു, ഞങ്ങളുടെ യാത്ര ഇപ്പോൾ ആരംഭിക്കുന്നു” നയിബ് പറഞ്ഞു.