ക്രിക്കറ്റ് ലോകകപ്പിൽ കളി മാറിയത് രോഹിത് ശർമ്മ ഔട്ട് ആയ ക്യാച്ച് ആയിരുന്നു എന്ന് മുൻ ഓസ്ട്രേലിയൻ താരം ഷെയ്ൻ വാട്സൺ. രോഹിത് ശർമ്മയെ ഒരു മനോഹരമായ ക്യാച്ചിലൂടെ ട്രാവിസ് ഹെഡ് ആയിരുന്നു പുറത്താക്കിയത്. ഈ ക്യാച്ച് ആണ് കളി മാറ്റിയത് എന്ന് വാട്സൺ സ്റ്റാർ സ്പോർട്സിൽ പറഞ്ഞു. രോഹിത് ശർമ്മ പേസേമാരെ ഒരു ദയയും ഇല്ലാതെ ആക്രമിക്കുക ആയിരുന്നു. അദ്ദേഹം മികച്ച ഫോമിൽ ആയിരുന്നു. അപ്പോൾ ആണ് രോഹിത് പുറത്താകുന്നത്. വാട്സൺ പറഞ്ഞു.
ആ വിക്കറ്റ് കളി മാറ്റി. പിന്നെ റൺ വരാതെ ആയി. ഇന്ത്യക്ക് കൃത്യമായ ഇടവേളകളിൽ വിക്കറ്റ് നഷ്ടപ്പെട്ടു കൊണ്ടേയിരുന്നു. വാട്സൺ പറഞ്ഞു. ഓസ്ട്രേലിയക്ക് കൃത്യമായ സമയത്ത് വിക്കറ്റുകൾ വീഴ്ത്താൻ ആയി. കോഹ്ലിയും രാഹുലും അറ്റാക്കിലേക്ക് തിരിയാൻ ആലോചിക്കുന്ന സമയത്താണ് അവരുടെ വിക്കറ്റുകൾ വന്നത്. വാട്സൺ പറഞ്ഞു.
ഫീൽഡിൽ ഓസ്ട്രേലിയ കാണിച്ച ആത്മാർത്ഥതയ വിജയത്തിൽ വലിയപങ്കുവഹിച്ചു എന്ന് വാട്സൺ കൂട്ടിച്ചേർത്തു.