ഇന്ത്യൻ ടീമിന്റെ നായകനെന്ന നിലയിൽ രോഹിത് ശർമ്മ നടത്തുന്ന പ്രകടനത്തെ പ്രശംസിച്ച് സഹീർ ഖാൻ. സമ്മർദത്തിൽ ശാന്തനാണ് രോഹിത് ശർമ്മ എന്ന് സഹീർ ഖാൻ പറഞ്ഞു. ഞായറാഴ്ച, കൊൽക്കത്തയിലെ ഈഡൻ ഗാർഡൻസിൽ ദക്ഷിണാഫ്രിക്കയെ 243 റൺസിന് ഇന്ത്യ തോൽപ്പിച്ചിരുന്നു. അതിനെ കുറിച്ച് സംസാരിക്കുക ആയിരുന്നു മുൻ ഇന്ത്യൻ പേസർ.
“തിരശ്ശീലയ്ക്ക് പിന്നിൽ പ്രവർത്തിക്കാൻ ഇഷ്ടപ്പെടുന്ന ഒരാളാണ് രോഹിത്. അത് അദ്ദേഹത്തിന്റെ ക്യാപ്റ്റൻസിയുമായി ബന്ധപ്പെട്ട് വളരെ പ്രധാനമാണ്. എല്ലാ കളിക്കാരുമായി സമയം ചെലവഴിക്കാനും സപ്പോർട്ട് സ്റ്റാഫുകളോടും കളിക്കാരോടും സംസാരിക്കാനും വിവിധ സാഹചര്യങ്ങൾ ചർച്ച ചെയ്യാനും അവൻ ഇഷ്ടപ്പെടുന്നു. അവൻ ഗെയിമിനെ എങ്ങനെ സമീപിക്കുന്നു എന്നതിന്റെ മുഖമുദ്ര അതാണ്” സഹീർ ക്രിസ്ബസിനോട് പറഞ്ഞു.
“സമ്മർദത്തിനു കീഴിലും അവൻ വളരെ ശാന്തനാണ് എന്നതാണ് എനിക്ക് അവനെക്കുറിച്ച് ഇഷ്ടം. അവൻ ചില സമയങ്ങളിൽ ആനിമേറ്റഡ് ആയി കണ്ടേക്കാം, എന്നാൽ അതിനർത്ഥം അയാൾക്ക് സമ്മർദ്ദം അനുഭവപ്പെടുന്നു എന്നല്ല. തീരുമാനങ്ങൾ എടുക്കുമ്പോൾ അദ്ദേഹം വളരെ ശാന്തനാണ്, ” സഹീർ പറഞ്ഞു.
“അദ്ദേഹം ട്രോഫികൾ നേടുന്നു, അത് അദ്ദേഹത്തിന് സ്വാഭാവികമായി വരുന്ന ഒന്നാണ്, ടൂർണമെന്റുകൾ ജയിപ്പിക്കാൻ അവനറിയാം.”സഹീർ കൂട്ടിച്ചേർത്തു.