ലോകകപ്പിൽ ഇന്ന് പാകിസ്താന്റെ വിജയശില്പിയായ റിസുവാൻ പരിക്കുമായായിരുന്നു കളിച്ചിരുന്നത്. പലപ്പോഴും അദ്ദേഹം വേദനയുമായി മല്ലിടുന്നതായും ഗ്രൗണ്ടിൽ ഇരിക്ക്സ് തോന്നിപ്പിച്ചിരുന്നു. എന്നാൽ ചില സമയങ്ങളിൽ തനിക്ക് വേദനയുണ്ടായിരുന്നു എന്നും ബാക്കി അഭിനയമാണെന്നും റിസുവാൻ മത്സര ശേഷം തമാശയായി പറഞ്ഞു. 121 പന്തിൽ എട്ടു ബൗണ്ടറികളും മൂന്നു സിക്സും സഹിതം പുറത്താകാതെ 131 റൺസാണ് റിസ്വാൻ ഇന്ന് നേടിയത്.
“ക്രാമ്പ്സ് ഉണ്ടായിരുന്നു, പക്ഷേ ഇപ്പോൾ എനിക്ക് സുഖം തോന്നുന്നു. അത് ചിലപ്പോൾ സംഭവിക്കാറുണ്ട്. വേദനയുണ്ടായിരുന്നെങ്കിലും അതിനെതിരെ പോരാടി. ചിലപ്പോൾ വേദന ആയിരുന്നു, മറ്റു ചിലപ്പോൾ അഭിനയമായിരുന്നു,” റിസ്വാൻ തന്നെ കുറിച്ച് തന്നെ പറഞ്ഞു.
“കഠിനമായ ചെയ്സായിരുന്നു ഇത്. നമുക്ക് അത് നേടാൻ കഴിയുമെന്ന വിശ്വാസം ഉണ്ടായിരുന്നു. ഇതൊരു ടീം ഗെയിമായിരുന്നു, ഞങ്ങൾക്ക് അത് ചെയ്യാൻ കഴിയുമെന്ന് ഞങ്ങൾക്ക് അറിയാമായിരുന്നു. വിക്കറ്റ് ബാറ്റ് ചെയ്യാൻ മികച്ചതായിരുന്നു, രാജ്യത്തിനായി ഈ പ്രകടനം നടത്താൻ കഴിഞ്ഞതിൽ അഭിമാനിക്കുന്നു ”റിസ്വാൻ പറഞ്ഞു.