ഇന്നലെ വിന്ഡീസ്-ദക്ഷിണാഫ്രിക്ക മത്സരം മഴ മൂലം ഉപേക്ഷിക്കപ്പെട്ടപ്പോള് ടൂര്ണ്ണമെന്റിലെ രണ്ടാം മത്സരമാണ് ഇത്തരത്തില് ഉപേക്ഷിക്കപ്പെടുന്നത്. പാക്കിസ്ഥാന് ശ്രീലങ്ക മത്സരം മഴ മൂലം ഉപേക്ഷിച്ചതിനു ശേഷം ഇന്ന് ബ്രിസ്റ്റോളില് നടക്കാനിരിക്കുന്ന ബംഗ്ലാദേശ്-ശ്രീലങ്ക മത്സരത്തിനും മഴ ഭീഷണിയായി മാറിയിരിക്കുകയാണ്. ഇതുവരെ മത്സരത്തിലെ ടോസ് പോലും നടന്നിട്ടില്ല. ഒന്നര മണിക്കൂറിലധികം നിലവില് തന്നെ ടോസ് വൈകിയിരിക്കുന്ന സാഹചര്യത്തില് മഴ മാറി എത്ര ഓവര് മത്സരം നടക്കുമെന്നത് കാത്തിരുന്ന് മാത്രമേ അറിയാാനാകൂ.
അതേ സമയം അടുത്ത മത്സരങ്ങള് നടക്കുന്ന ടോണ്ടണിലും നോട്ടിംഗാമിലും കാലാവസ്ഥ മോശമാണെന്നാണ് ലഭിയ്ക്കുന്ന വിവരം. എഡ്ജ്ബാസ്റ്റണില് ഞായറാഴ്ച നടക്കാനിരിക്കുന്ന ഇന്ത്യ-പാക്കിസ്ഥാന് സൂപ്പര് പോരാട്ടത്തിനും മഴ ഭീഷണിയായി എത്തുകയാണെന്നാണ് അറിയുന്നത്. വരും ദിവസങ്ങളിലെ കാലാവസ്ഥ മെച്ചമാകുന്നില്ലെങ്കില് ബഹുഭൂരിഭാഗം മത്സരങ്ങളിലും കളിയ്ക്കാന് അവസരം ലഭിയ്ക്കാതെ ടൂര്ണ്ണമെന്റില് നിന്ന് ടീമുകള് പുറത്ത് പോകുന്നത് കാണാനാകുമെന്നാണ് കരുതുന്നത്.