2005ല് കാര്ഡിഫില് ഓസ്ട്രേലിയയ്ക്കെതിരെ മുഹമ്മദ് അഷ്റഫുള് നേടിയ ശതകമാണ് ഒരു ബംഗ്ലാദേശ് താരം കംഗാരുക്കള്ക്കെതിരെ നേടുന്ന ആദ്യ ശതകം. 14 വര്ഷങ്ങള്ക്കിപ്പുറം ട്രെന്റ് ബ്രിഡ്ജില് മുഷ്ഫിക്കുര് റഹിം ആ നേട്ടം സ്വന്തമാക്കുമ്പോള് വെറും രണ്ടാമത്തെ താരമാണ് ബംഗ്ലാദേശ് ക്രിക്കറ്റ് ചരിത്രത്തില് ഈ നേട്ടം സ്വന്തമാക്കുന്നത്.
97 പന്തില് നിന്ന് 9 ഫോറും ഒരു സിക്സും സഹിതമാണ് മുഷ്ഫിക്കുര് ഈ നേട്ടം കൊയ്തത്. ബംഗ്ലാദേശ് ഇന്ന് ഏകദിനത്തിലെ തങ്ങളുടെ ഏറ്റവും ഉയര്ന്ന സ്കോര് നേടിയെങ്കിലും ഓസ്ട്രേലിയ നല്കിയ റണ്മല കയറാനാകാതെയാണ് ടീം പൊരുതി കീഴടങ്ങിയത്.