ഇന്ത്യയ്ക്കെതിരെയുള്ള കിരീട വിജയം 2015ലെ വിജയത്തിനെക്കാള് വലുതാണെന്ന് പറഞ്ഞ് ഓസ്ട്രേലിയന് പേസര് ജോഷ് ഹാസൽവുഡ്. ഇന്ത്യന് ആരാധകര്ക്ക് മുന്നിൽ നേടിയ വിജയമാണ് ഈ നേട്ടത്തെ മികച്ചതാക്കുന്നതെന്നും ഹാസൽവുഡ് കൂട്ടിചേര്ത്തു. ടീം നേരിട്ട വെല്ലുവിളികള്ക്ക് ഇത്തരമൊരു പരിസമാപ്തി ലഭിച്ചു എന്നത് ഏറെ സന്തോഷകരമാണെന്നും ഹാസൽവുഡ് വ്യക്തമാക്കി.
ഇത്തരമൊരു ദിവസം ഇത്രയവും വലിയൊരു ആള്ക്കൂട്ടത്തിന് മുന്നിൽ നേടിയ വിജയം കൂടുതൽ പ്രത്യേകതയുള്ളതാണെന്ന് ഹാസൽവുഡ് പറഞ്ഞു. ഇന്ത്യ എന്നും മുന്നിര ടീമാണെന്നും അവരെ അവരുടെ ആരാധകരുടെ മുന്നിൽവെച്ച് പരാജയപ്പെടുത്താനായത് വലിയ നേട്ടം തന്നെയാണെന്നും ഹാസൽവുഡ് സൂചിപ്പിച്ചു.
