Category: World Cup

ലോകകപ്പ് ഇനി വിരലിൽ എണ്ണാവുന്ന ദിവസങ്ങളിൽ എടുത്തിരിക്കുകയാണ്. ലോകകപ്പ് ആര് നേടുമെന്ന ചോദ്യത്തോട് ആദ്യ പ്രതികരണം നടത്തിയിരിക്കുകയാണ് മുൻ ഇന്ത്യൻ താരവും ലോകകപ്പ് ജേതാവുമായ ഗൗതം ഗംഭീർ. ഗൗതാവിന്റെ അഭിപ്രായത്തിൽ ലോകകപ്പ് നേടാൻ ഏറ്റവുമധികം സാധ്യതയുള്ള ടീമാണ് ആസ്‌ട്രേലിയ.

ഒരു സ്വകാര്യ മാധ്യമവുമായി നടത്തിയ അഭിമുഖത്തിലാണ് ഗംഭീർ മനസ് തുറന്നത്. ആസ്‌ട്രേലിയ കഴിഞ്ഞാൽ ലോകകപ്പ് നേടാൻ പിന്നീട് സാധ്യതയുള്ളത് ഇന്ത്യക്കും ഇംഗ്ളണ്ടിനുമാണെന്നു അദ്ദേഹം പറഞ്ഞു. ഉറപ്പായും ലോകകപ്പ് ഫൈനലിൽ ഈ ടീമുകൾ ഉണ്ടാകുമെന്നും അദ്ദേഹം പറഞ്ഞു. ക്രിക്കറ്റിൽ നിന്നും വിരമിച്ച ഗംഭീർ ഇപ്പോൾ സജീവ രാഷ്ട്രീയത്തിൽ ഇറങ്ങിയിരിക്കുകയാണ്. ഡൽഹിയിൽ നിന്നുമുള്ള ലോകസഭാ സ്ഥാനാർഥിയാണ് ഗൗതം ഗംഭീർ.

ഇംഗ്ലണ്ടിൽ ലോകകപ്പിന് ഇറങ്ങുന്ന ഇന്ത്യയുടെ ബൗളിംഗ് പരിപൂർണ്ണമാണെന്നും അത് വേഗതയും കഴിവും കൂടിച്ചേർന്നതാണെന്നും ഇന്ത്യൻ ഫാസ്റ്റ് ബൗളർ മുഹമ്മദ് ഷമി. കഴിഞ്ഞ 30 – 40 വർഷമായി ഇന്ത്യൻ ക്രിക്കറ്റിൽ ബാറ്റ്സ്മാൻമാരുടെ ആധിപത്യമായിരുന്നെന്നും എന്നാൽ അടുത്തിടെ ബൗളർമാരും ഇന്ത്യൻ ടീമിൽ ആധിപത്യം പുലർത്തുന്നുണ്ടെന്നും ഷമി പറഞ്ഞു.

ഇന്ത്യയിൽ ഇത്രയും കാലം ബൗളർ കൂടുതൽ ആധിപത്യം പുലർത്താതിരുന്നത് ബാറ്റ്സ്മാൻമാർക്ക് അനുകൂലം പിച്ചുകൾ ഉള്ളതുകൊണ്ടാണെന്നും എന്നാൽ ഈ അടുത്ത കാലത്തായി ഫാസ്റ്റ് ബൗളർമാർക്ക് അനുകൂലമായ പിച്ചുകൾ ഇന്ത്യയിൽ ഉണ്ടായിവരുന്നുണ്ടെന്നും ഷമി പറഞ്ഞു. ബൗളിങ്ങിൽ ഇന്ത്യൻ ടീമിൽ ഒരുപാടു വൈവിധ്യങ്ങൾ ഉണ്ടെന്നും വേഗതയും കഴിവുമുള്ള ബൗളർമാർ ഉള്ളത് ടീമിന്റെ ആത്മവിശ്വാസത്തെ ഉയർത്തുന്നുണ്ടെന്നും ഷമി പറഞ്ഞു. പരിക്ക് മൂലം കുറച്ച കാലം ഏകദിന മത്സരങ്ങളിൽ താൻ ഇറങ്ങിയില്ലെങ്കിലും ഓസ്ട്രേലിയക്കെതിരായ ഏകദിന പരമ്പരയും ഐ.പി.എല്ലും തന്റെ ആത്മവിശ്വാസം വർദ്ധിപ്പിച്ചതായും ഷമി പറഞ്ഞു

കഴിഞ്ഞ ലോകകപ്പുകളിൽ ഇന്ത്യൻ നിര കരുത്തുറ്റ ബാറ്റിംഗ് നിര കൊണ്ടാണ് അറിയപെട്ടതെങ്കിലും ഇത്തവണ ഇന്ത്യയുടെ ബൗളിംഗ് സംഘവും മികച്ചതാണെന്നാണ് ആരാധകരുടെ അഭിപ്രായം. ഷമിയും ബുംറയും ബുവനേശ്വർ കുമാറും ചേർന്ന ബൗളിംഗ് സംഘം ഏതൊരു ബാറ്റിംഗ് നിരക്കും വെല്ലുവിളിയാണ്

ഇംഗ്ലണ്ടിൽ കിരീടം നേടാനുറപ്പിച്ച് ഇറങ്ങുന്ന ഇന്ത്യൻ ടീം സമ്പൂർണമാണെന്ന് മുൻ ഇംഗ്ലണ്ട് ക്യാപ്റ്റൻ നാസർ ഹുസൈൻ. അത് കൊണ്ട് തന്നെ ഈ ലോകകപ്പിൽ കിരീടം നേടാൻ ഇന്ത്യക്ക് സാധ്യതയുണ്ടെന്നും നാസർ ഹുസൈൻ പറഞ്ഞു. ബാറ്റിങ്ങിലും ബൗളിങ്ങിലും ഇന്ത്യക്ക് മികച്ച താരങ്ങൾ ഉള്ളത് അവരെ കിരീടം നേടാൻ ഏറ്റവും സാധ്യതയുള്ളവരുടെ കൂട്ടത്തിൽ പെടുത്തുന്നു എന്നും മുൻ ഇംഗ്ലണ്ട് ക്യാപ്റ്റൻ പറഞ്ഞു.

ഇന്ത്യക്ക് നിലവിൽ ലോകത്തിലെ മികച്ച ബാറ്റ്സ്മാനായ വിരാട് കോഹ്‌ലിയുടെ സാന്നിദ്ധ്യം ഉണ്ടെന്നും രോഹിത് ശർമയെപോലെ മികച്ച പ്രകടനം പുറത്തെടുക്കാൻ കഴിയുന്ന താരങ്ങൾ കോഹ്‌ലിക്ക് പിന്തുണ നൽകാൻ ഉണ്ടെന്നും നാസർ ഹുസൈൻ പറഞ്ഞു. എം.എസ് ധോണിയെ പോലെ ഒരു ഫിനിഷർ ഉള്ള ഇന്ത്യയുടെ ബൗളിംഗ് നിരയും മികച്ചതാണ്. ജസ്പ്രീത് ബുംറയും ഭുവനേശ്വർ കുമാറും മികച്ച ബൗളർമാരാണെന്നും ഇന്ത്യ ഒരു താരത്തെ ആശ്രയിച്ചല്ല ഇപ്പോൾ കളിക്കുന്നതെന്നും നാസർ ഹുസൈൻ പറഞ്ഞു.

പവർ പ്ലേയിൽ മികച്ച പ്രകടനം പുറത്തെടുക്കാൻ രോഹിത് ശർമ്മക്കും ശിഖർ ധവാനും സാധിക്കുന്നുണ്ടെന്നും നാസർ ഹുസൈൻ പറഞ്ഞു. ജൂൺ 5ന് സൗത്ത് ആഫ്രിക്കക്കെതിരെയാണ് ലോകകപ്പിൽ ഇന്ത്യയുടെ ആദ്യ മത്സരം

ഇംഗ്ലണ്ടിലും വെയ്ൽസിലുമായി നടക്കുന്ന ലോകകപ്പ് ക്രിക്കറ്റിനുള്ള ഔദ്യോഗിക ഗാനം പുറത്തിറക്കി ഐ.സി.സി. “സ്റ്റാൻഡ് ബൈ” എന്ന് പേരിട്ടിരിക്കുന്ന ഗാനമാണ് ഐ.സി.സി പുറത്തുവിട്ടത്. ഇംഗ്ലണ്ടിലെ പ്രമുഖ ബാൻഡ് ആയ റൂഡിമെന്റലിന്റെ സഹകരണത്തോടെ ലോറിൻ ആണ് ഗാനം അണിയിച്ച് ഒരുക്കിയിരിക്കുന്നത്.

മെയ് 30 മുതൽ ജൂലൈ 14വരെയാണ് ഇംഗ്ലണ്ടിലും വെയ്ൽസിലും നടക്കുന്ന ലോകകപ്പ്. ഇതുവരെ ലോകകപ്പ് കിരീടം നേടാൻ കഴിയാതിരുന്ന ആതിഥേയരായ ഇംഗ്ലണ്ടിനാണ് ഈ ലോകകപ്പിൽ ഏറ്റവും കൂടുതൽ സാധ്യത കൽപ്പിക്കപ്പെടുന്നത്. മെയ് 30ന് ഇംഗ്ലണ്ടും ഓസ്ട്രേലിയയും തമ്മിലാണ് ലോകകപ്പിലെ ആദ്യ മത്സരം.