അഫ്ഗാനിസ്ഥാനെതിരെ ഇരട്ട സെഞ്ച്വറി നേടി മാക്സ്വെലിന്റെ ഇന്നിംഗ്സ് ഏകദിനത്തിലെ എക്കാലത്തെയും മികച്ച ഇന്നിംഗ്സ് ആയി താൻ കണക്കാക്കുന്നില്ല എന്ന് സൗരവ് ഗാംഗുലി. മാക്സ്വെലിന്റെ ഇന്നിംഗ്സ് ഗംഭീരമായിരുന്നു എന്നാൽ ഏകദിനത്തിലെ ഏറ്റവും മികച്ച ഇന്നിംഗ്സ് ആയി ഇതിനെ വിലയിരുത്താൻ ആഗ്രഹിക്കുന്നില്ലെന്ന് അദ്ദേഹം പറഞ്ഞു.
“അഫ്ഗാനിസ്ഥാൻ നന്നായി കളിക്കുന്ന ടീമായിരുന്നു, അവർ ആ മത്സരം ജയിക്കണമായിരുന്നു, മാക്സ്വെല്ലിനോട് എല്ലാ ആദരവോടെയും. അവൻ തികച്ചും അവിശ്വസനീയ രീതിയിലാണ് കളിച്ചത്,” സൗരവ് ഗാംഗുലി പറഞ്ഞു.
“അത്ഭുതകരമായ ഇന്നിംഗ്സ്, എന്നാൽ ബൗളിംഗിലും ക്യാപ്റ്റൻസിയിലുംൿഅഫ്ഗാനിസ്ഥാൻ ഏറ്റവും മികച്ചവരല്ല.” ഗാംഗുലി പറഞ്ഞു.
“ഏകദിനത്തിലെ ഏറ്റവും മഹത്തായ ഇന്നിംഗ്സായി നിങ്ങൾ ഇതിനെ വിലയിരുത്തുന്നില്ല. സച്ചിനിൽ നിന്നും വിരാടിൽ നിന്നും ചില മികച്ച ഇന്നിംഗ്സുകൾ ഞാൻ കണ്ടിട്ടുണ്ട്. ചില അതിമനോഹരമായ ഇന്നിംഗ്സുകൾ ഞാൻ കണ്ടിട്ടുണ്ട്. മാക്സ്വെൽ ഉണ്ടായിരുന്ന സാഹചര്യം കാരണം ഈ ഇന്നിംഗ്സ് വളരെ വലുതു തന്നെ. എന്നാലും വിരാടും സച്ചിനും ചില മികച്ച ഇന്നിംഗ്സുകൾ കളിച്ചിട്ടുണ്ട്,” ഗാംഗുലി കൂട്ടിച്ചേർത്തു.