ഇന്ത്യയും ഓസ്ട്രേലിയയും തമ്മിലുള്ള ലോകകപ്പ് ഫൈനലില് ഇന്ത്യയെ പരാജയപ്പെടുത്തുക എന്നത് സാധ്യമായ കാര്യമാണെന്ന് പറഞ്ഞ് ഓസ്ട്രേലിയന് നായകന് പാറ്റ് കമ്മിന്സ്. ഒരു ലക്ഷത്തി മുപ്പതിനായിരം വരുന്ന കാണികള്ക്ക് മുന്നിൽ കളിക്കുക എന്നത് വലിയ നിമിഷമാണ് അത്രയും വലിയ ആള്ക്കൂട്ടും ഒരുപക്ഷത്തേയാവും പിന്തുണയ്ക്കുകയെങ്കിലും അവരെ നിശബ്ദരാക്കുക എന്നതിലും വലിയ സന്തോഷം എന്താണെന്നും പാറ്റ് കമ്മിന്സ് ചോദിച്ചു.
ഈ വലിയ ചലഞ്ചിന് ഓസ്ട്രേലിയ തയ്യാറാണെന്നും ഇന്ത്യ തുടരെ പത്ത് കളികള് ജയിച്ചുവെങ്കില് ഓസ്ട്രേലിയ തുടരെ 8 കളി ജയിച്ച് നിൽക്കുകയാണെന്നും കമ്മിന്സ് കൂട്ടിചേര്ത്തു. ആദ്യ മത്സരത്തിലെ തോൽവികള്ക്ക് ശേഷം ഓസ്ട്രേലിയ തിരിച്ചുവന്നത് മികച്ച രീതിയിലാണെന്നും കമ്മിന്സ് വ്യക്തമാക്കി.