വിരാട് കോഹ്ലി ബംഗ്ലാദേശിനെതിരെ സെഞ്ച്വറിക്ക് ആയി ശ്രമിച്ച രീതിയെ വിമർശിച്ച് ഇന്ത്യൻ ബാറ്റർ ചേതേശ്വര് പൂജാര. കോഹ്ലി രാഹുലിന് സിംഗിൾ നൽകാതെ ആയിരുന്നു സെഞ്ച്വറി നേടാനായി ശ്രമിച്ചത്. “വിരാട് കോഹ്ലി ആ സെഞ്ച്വറി നേടണമെന്ന് ഞാൻ ആഗ്രഹിച്ചിരുന്നു, പക്ഷെ മത്സരം എത്രയും നേരത്തെ പൂർത്തിയാക്കണമെന്നതാണ് പ്രധാന കാര്യം. പൂജാര പറഞ്ഞു.
“നിങ്ങളുടെ നെറ്റ് റൺ റേറ്റ് മുകളിൽ ആയിരിക്കണമെന്ന് നിങ്ങൾ ആഗ്രഹിക്കുന്നു. നിങ്ങൾ ഒരു സ്ഥാനത്ത് നെറ്റ് റൺ റേറ്റിനായി പോരാടേണ്ടി വരുന്ന അവസരത്തിൽ, ഇത്തരം നിമിഷങ്ങളിലേക്ക് നിങ്ങൾ തിരിഞ്ഞുനോക്കാൻ ആഗ്രഹിക്കില്ല. അന്ന് നിങ്ങൾക്ക് അത് ചെയ്യാമായിരുന്നു’ എന്ന് തോന്നിയിട്ട് കാര്യമില്ല,” ചേതേശ്വര് പൂജാര പറഞ്ഞു.
“നിങ്ങൾ ടീമിനെ നോക്കണം, ടീമിനെ ഒന്നാമതെത്തിക്കണം, അങ്ങനെയാണ് ഞാൻ നോക്കുന്നത്. നിങ്ങൾക്ക് നിങ്ങളുടെ നാഴികകല്ലുകൾ നേടാം, പക്ഷേ ടീമിനാണ് വില കൊടുക്കേണ്ടത്.” അദ്ദേഹം കൂട്ടിച്ചേർത്തു.