വിരാട് കോഹ്ലി അദ്ദേഹത്തിന്റെ പിറന്നാൽ ആയ നവംബർ 5ന് തന്റെ 50-ാം ഏകദിന സെഞ്ച്വറി നേടും എന്ന് സുനിൽ ഗവാസ്കർ.റെക്കോർഡ് ബുക്കുകളിൽ തന്റെ പേര് രേഖപ്പെടുത്താൻ കോഹ്ലിക്ക് ഇതിലും ഉചിതമായ ഒരു ദിനം ഉണ്ടാകില്ല എന്ന് ഗവാസ്കർ പറഞ്ഞു.
“ഈഡൻ ഗാർഡൻസിൽ ദക്ഷിണാഫ്രിക്കയ്ക്കെതിരെ കോഹ്ലി തന്റെ 50-ാം ഏകദിന സെഞ്ച്വറി നേടും, അദ്ദേഹത്തിന്റെ ജന്മദിനത്തേക്കാൾ മികച്ച ദിവസം ഏതാണ്?” ഗവാസ്കർ സ്റ്റാർ സ്പോർട്സിൽ പറഞ്ഞു.
“നിങ്ങൾ കൊൽക്കത്തയിൽ ഒരു സെഞ്ച്വറി നേടുന്നത് മനീഹരമായ ഒരു കാഴ്ചയാകും. അവുടുത്തെ ആരാധകർ ആ നിമിഷം മനോഹരമാക്കും.” ഗവാസ്കർ പറഞ്ഞു
ഇതിഹാസതാരം സച്ചിൻ ടെണ്ടുൽക്കറിന് ഒരു സെഞ്ച്വറി മാത്രം പിറകിൽ ആണ് കോഹ്ലി ഇപ്പോൾ ഉള്ളത്. കോഹ്ലിക്ക് 48 സെഞ്ച്വറിയും സച്ചിന് 49 സെഞ്ച്വറിയും ആണ് ഏകദിനത്തിൽ ഉള്ളത്. ദക്ഷിണാഫ്രിക്കക്ക് എതിരായ മത്സരത്തിന് മുമ്പ് ഇന്ത്യ ഇംഗ്ലണ്ടിനെയും ശ്രീലങ്കയെയും നേരിടാനുണ്ട്