ശ്രീലങ്കയ്ക്കെതിരെ ജൂണ് 1നു നടക്കുന്ന ന്യൂസിലാണ്ടിന്റെ ലോകകപ്പിലെ ഉദ്ഘാടന മത്സരത്തില് വിക്കറ്റ് കീപ്പര് ടോം ലാഥം കളിയ്ക്കില്ല. അടുത്തിടെ ഓസ്ട്രേലിയയ്ക്കെതിരെയുള്ള പരിശീലന മത്സരത്തിനിടെയാണ് താരത്തിന്റെ കൈവിരലിനു പൊട്ടലേറ്റിരുന്നു. വിക്കറ്റ് കീപ്പിംഗ് ദൗത്യത്തിനിടെ പരിക്കേറ്റ താരത്തെ പിന്വലിച്ച് ഉടന് തന്നെ പരിശോധനയ്ക്കായി കണ്ടെത്തിയിരുന്നു. താരം ലോകകപ്പ് സ്ക്വാഡിനൊപ്പം യാത്രയാകുവാന് ഫിറ്റാണെന്നാണ് അറിയിച്ചിരിക്കുന്നത്.
എന്നാല് താരം ആദ്യ മത്സരത്തിനു മുമ്പ് പൂര്ണ്ണാരോഗ്യവാനായി എത്തുമോ എന്ന കാര്യത്തില് വ്യക്തതയില്ല. ടോം ബ്ലണ്ടല് ആണ് ടീമിലെ കരുതല് വിക്കറ്റ് കീപ്പര്. അതെ സമയം ബാക്ക് അപ്പ് കീപ്പര്മാരായി ടിം സീഫെര്ട്ടിനെയും ബിജെ വാട്ളിംഗിനെയും സ്റ്റാന്ഡ്ബൈ പട്ടികയില് ന്യൂസിലാണ്ട് ഉള്പ്പെടുത്തിയിട്ടുണ്ട്.