ഈ ലോകകപ്പിലെ ഇന്ത്യൻ ബൗളിംഗ് അറ്റാക്ക് എല്ലാ തലത്തിലും ഏറ്റവും മികച്ച ബൗളിംഗ് അറ്റാക്ക് ആണെന്ന് രവി ശാസ്ത്രി. ഏത് പിച്ചിലും ഇന്ത്യക്ക് ആണ് ഏറ്റവും നല്ല ബൗളിംഗ് അറ്റാക്ക് ഉള്ളത് എന്ന് അദ്ദേഹം പറഞ്ഞു.
“ഇത് മികച്ച ഓൾറൗണ്ട് ബൗളിംഗ് ആക്രമണമാണ്. ഈ സാഹചര്യങ്ങളിൽ മാത്രമല്ല, ലോകമെമ്പാടുമുള്ള സാഹചര്യങ്ങളിലും ഇന്ത്യയുടേത് മികച്ച ബൗളിംഗ് അറ്റാക്ക് ആണ്” ശാസ്ത്രി പറഞ്ഞു.
ഇന്ത്യയുടെ അഞ്ച് പ്രധാന ഇന്ത്യൻ ബൗളർമാരും
ഈ ലോകകപ്പിൽ പത്തോ അതിലധികമോ വിക്കറ്റുകൾ നേടിയിട്ടുണ്ട്. ഇതാദ്യമായാണ് ഇങ്ങനെ ഒന്ന് നടക്കുന്നത്. ഇന്ത്യയുടെ എക്കാലത്തെയും മികച്ച ബൗളിംഗ് യൂണിറ്റ് ആണ് ഇത് എന്ന് ഗംഭീറും പറഞ്ഞു.
“ഇത് ഇന്ത്യയുടെ ഏറ്റവും മികച്ച ബൗളിംഗ് ആക്രമണമാണ്. നിങ്ങൾ സഹീർ ഖാനെ കൂടെ ഇതിനൊപ്പം ചേർത്താൽ, ഇത് ഇന്ത്യയുടെ ഏറ്റവും മികച്ച ബൗളിംഗ് ആക്രമണമായിരിക്കും,” ഗൗതം ഗംഭീർ പറഞ്ഞു.