ലോകകപ്പ് സെമി ഫൈനലിൽ ഇന്ത്യയും പാകിസ്താനും തമ്മിൽ ഏറ്റുമുട്ടും എന്ന് പറഞ്ഞ് സൗരവ് ഗാംഗുലി. “പാകിസ്ഥാൻ ഈഡൻ ഗാർഡൻസിൽ എത്തണമെന്നും ഇന്ത്യയെ സെമിഫൈനലിൽ നേരിടണമെന്നും ഞാൻ ആഗ്രഹിക്കുന്നു. അതിനേക്കാൾ വലിയൊരു കളി ഇനി ഉണ്ടാകില്ല,” ഗാംഗുലി പറഞ്ഞു.
ഇന്ത്യ സെമി ഉറപ്പിച്ചു എങ്കിലും പാകിസ്താൻ ഇനി സെമിയിൽ എത്തും എന്ന് ഉറപ്പായിട്ടില്ല. 2023 ലോകകപ്പിന്റെ സെമിഫൈനലുകളിലൊന്ന് നവംബർ 15-ന് മുംബൈയിലും മറ്റൊന്ന് നവംബർ 16-ന് കൊൽക്കത്തയിലും ആണ് നടക്കുക. ഇന്ത്യ മികച്ച രീതിയിലാണ് ഈ ലോകകപ്പിൽ കളിക്കുന്നത് എന്നും സൗരവ് ഗാംഗുലി പറഞ്ഞു
“ഈ ഇന്ത്യൻ ടീം കളിക്കുന്ന രീതിയിൽ ഇന്ത്യ മുഴുവൻ സന്തോഷിക്കുന്നു. ഈ ഇന്ത്യൻ ടീമും ടൂർണമെന്റിലെ മറ്റ് ടീമുകളും തമ്മിൽ വലിയ വ്യത്യാസമുണ്ട്. അവർ ഇതുപോലെ കളിക്കുന്നത് തുടരുമെന്ന് പ്രതീക്ഷിക്കുന്നു, അവർ പരാജയപ്പെടുമെന്ന് ഞാൻ കരുതുന്നില്ല,” ഗാംഗുലി കൂട്ടിച്ചേർത്തു.